yaponiyede yanar tagh partlidi
yaponiyening kagoshima ölkisige qarashliq suwanoza arilidiki otake yanar téghida partlash yüz berdi.
türkiye awazi radiyosi xewiri: yaponiye météorologiye idarisi (JMA) ning xewirige asaslanghanda, shu yerning waqti etigen saet 02.57 de yüz bergen partlashtin kéyin, yanar tagh éghizidin étilip chiqqan tash parchiliri 1 kilomitir yiraqliqqa tarqalghan.
kyodo agéntiliqining yerlik mesullarni menbe qilghan xewiride, yanar tagh etrapigha jaylashqan olturaq rayonlarda adem ölüsh yaki yarlinish hadisisi körülmigenliki bildürüldi.
yaponiye météorologiye idarisi (JMA) yanar tagh herikiti agahlandurush derijisini 3-derijige kötürdi, bu derije kishilerning yanar taghqa yéqinlashmasliqi kéreklikini tewsiye qilish xaraktérige ige.
yéngi partlash bolghan teqdirde yanar tagh éghizidin étilip chiqidighan tash parchilirining 2 kilométirgha yétishi mumkinliki agahlanduruldi.
yanar tagh herikiti köp körülidighan suwanoza arili yaponiyening kagoshima shitatining jenubigha 230 kilomitir kélidu.
