gérmaniyede 60 yashtin yuqirilargha astrazénéka waksinasi tewsiye qilindi

türkiye awazi radiyosi xewiri: gérmaniye bash ministiri angéla mérkél sehiye ministiri jéns shfan (Jens Spahn) bilen bash ministirliq binasida ötküzgen axbarat élan qilish yighinida, daimiy waksina komitétining astrazénéka waksinasini 60 yashtin töwenlerge emleshni toxtitip, peqet 60 yashtin yuqirilargha emleshni tewsiye qilghanliqini bildürdi.

angéla mérkél daimiy waksina komitéti tewsiyelirining nurghun muzakirelerdin kéyin qarar qilinghanliqini alahide eskertip: «sel qarashqa bolmaydighan amillar bar» dédi.

mérkél bu weqelerning hemmisining éniqsizliq peyda qilidighanliqini bilidighanliqlirini, emma bu xil ehwalgha taqabil turushning eng yaxshi usulning ochuq-ashkariliq ikenlikini otturigha qoydi.

mérkél wuxen wirusigha qarshi turushta waksina tépishning bir purset ikenlikini tekitlep, waksina emlesh nöwiti kelgende, astrazénéka waksinasini emlitishi mumkinlikini éytti.

yene bir tereptin, gérmaniye sehiye ministiri jéns shfan astrazénékaning 60 yashtin yuqiridikilerge yaxshi ünüm körsitidighanliqini bildürüp, bu yash guruppisidiki hemme kishini mezkur waksina imkaniyitidin paydilinishqa chaqirdi.