iranning bir qanche shehiride xitaygha qarshi keng kölemlik namayish bashlandi

türkiye awazi radiyosi xewiri: iranning bezi sheherlirige yighilghan xelq ammisi iran bilen xitay hökümiti otturisida imzalanghan 25 yilliq hemkarliq kélishimige qattiq naraziliq bildürdi.

ijtimaiy taratqulardiki tarqiliwatqan uchurlargha asaslanghanda,  iran parlaménti aldigha yighilghan 200 din artuq téhranliq, iran bilen xitay hökümiti otturisida imzalanghan 25 yilliq hemkarliq kélishimining bikar qilinishini telep qilghan.

namayishchilar «iran sétilmaydu», «weten satquchilargha ölüm», «biz urush qilimiz, ölimiz we iranni qayturup alimiz» dep shoarlarni towlighan.

elburz we ispahan ölkiliridimu waliy mehkimisi aldigha toplanghan puqralar kélishimge qattiq narazliq bildürdi.

namayishchilar «xitay! irandin yoqal!», «kélishimning bikar qilinishini telep qilimiz!» dep yézilghan lozunkilarni kötürüshüp kochilarda yürüdi.

buningdin bashqa yene, awstiraliyening sidnéy shehiride turushluq iranliqlarmu xitay konsulxanisi aldigha yighilip  kélishimge narazliq bildürdi.

xitay tashqi ishlar ministiri wang yi hepte axirida téhranda resmiy uchrishishlarda bolghan we iran tashqi ishlar ministiri muhemmed jewad zarif bilen ötküzgen uchrishishida, ikki dölet  otturisida herxil saheler boyiche 25 yilliq hemkarliq kélishimi tüzgen idi.

xitay dölet reisi shi jinpingmu 2016-yilidiki téhran ziyariti jeryanida, tunji qétim iranda küntertipke élip kéilingen we  iranmu qatnashqan xitayning «bir belwagh, bir yol» layihesining mezmunigha munasiwetlik uchurlarni hembehirligen idi.