венезуела нефитқа ваксина сетивелиш тәклипини оттуриға қойди
венезуела пирезиденти николас мадуро вухән вируси (Kovid-19) ға қарши туруш үчүн еһтийаҗлиқ болған ваксинаниң пулини нефит билән төлийәләйдиғанлиқлирини ейтти.
түркийә авази радийоси хәвири: венезуела пирезиденти николас мадуро дөләт телевизийәсидә байанат елан қилип, ваксиналарниң пулини нефит билән төләш тәклипини оттуриға қойди.
у: «венезуеланиң нефит тошуш парахотлири бар вә бизниң нефитимизни сетивалидиған херидарлиримизму бар. ваксиналарниң пулини нефит арқлиқ төләшкә тәййармиз» деди.
у йәнә, муһим фондларниң венезуеланиң чәт әлләрдә тоңлитип қойулған һесаблиридинму төлийәләйдиғанлиқлирини әскәртип: «дипломатик вә сийасий қаналлар арқилиқ мунасивәтлик органларға мәктуп йоллидуқ. венезуела еһтийаҗлиқ ваксиналарни бизгә әвәтсун вә пулини тоңлитилған һесаблиримиздин еливалсун» деди.
у тәклиплири қобул қилинған әһвалда венезуеланиң ваксина еһтийаҗиниң %20 гә тоғра келидиған 2.4 милйон данә ваксинаға игә болалайдиғанлиқлирини қәйт қилди.
хитай венезуелаға «синофарм» (Sinopharm) ваксинасидин 500 миң данә, русийә «спутник» (Sputnik) ваксинасидин 100 миң данә әвәткән иди.