ۋېنېزۇئېلا نېفىتقا ۋاكسىنا سېتىۋېلىش تەكلىپىنى ئوتتۇرىغا قويدى

ۋېنېزۇئېلا پىرېزىدېنتى نىكولاس مادۇرو ۋۇخەن ۋىرۇسى (Kovid-19) غا قارشى تۇرۇش ئۈچۈن ئېھتىياجلىق بولغان ۋاكسىنانىڭ پۇلىنى نېفىت بىلەن تۆلىيەلەيدىغانلىقلىرىنى ئېيتتى.

1611065
ۋېنېزۇئېلا نېفىتقا ۋاكسىنا سېتىۋېلىش تەكلىپىنى ئوتتۇرىغا قويدى

تۈركىيە ئاۋازى رادىيوسى خەۋىرى: ۋېنېزۇئېلا پىرېزىدېنتى نىكولاس مادۇرو دۆلەت تېلېۋىزىيەسىدە بايانات ئېلان قىلىپ، ۋاكسىنالارنىڭ پۇلىنى نېفىت بىلەن تۆلەش تەكلىپىنى ئوتتۇرىغا قويدى.

ئۇ: «ۋېنېزۇئېلانىڭ نېفىت توشۇش پاراخوتلىرى بار ۋە بىزنىڭ نېفىتىمىزنى سېتىۋالىدىغان خېرىدارلىرىمىزمۇ بار. ۋاكسىنالارنىڭ پۇلىنى نېفىت ئارقلىق تۆلەشكە تەييارمىز» دېدى.

ئۇ يەنە، مۇھىم فوندلارنىڭ ۋېنېزۇئېلانىڭ چەت ئەللەردە توڭلىتىپ قويۇلغان ھېسابلىرىدىنمۇ تۆلىيەلەيدىغانلىقلىرىنى ئەسكەرتىپ: «دىپلوماتىك ۋە سىياسىي قاناللار ئارقىلىق مۇناسىۋەتلىك ئورگانلارغا مەكتۇپ يوللىدۇق. ۋېنېزۇئېلا ئېھتىياجلىق ۋاكسىنالارنى بىزگە ئەۋەتسۇن ۋە پۇلىنى توڭلىتىلغان ھېسابلىرىمىزدىن ئېلىۋالسۇن» دېدى.

ئۇ تەكلىپلىرى قوبۇل قىلىنغان ئەھۋالدا ۋېنېزۇئېلانىڭ ۋاكسىنا ئېھتىياجىنىڭ %20 گە توغرا كېلىدىغان 2.4 مىليون دانە ۋاكسىناغا ئىگە بولالايدىغانلىقلىرىنى قەيت قىلدى.

خىتاي ۋېنېزۇئېلاغا «سىنوفارم» (Sinopharm) ۋاكسىناسىدىن 500 مىڭ دانە، رۇسىيە «سپۇتنىك» (Sputnik) ۋاكسىناسىدىن 100 مىڭ دانە ئەۋەتكەن ئىدى.



مۇناسىۋەتلىك خەۋەرلەر