pelestin b d t ning qararigha yuqiri baha berdi

pelestin, birleshken döletler teshkilati (b d t) kishilik hoquq kéngishining israiliyening qanunsiz yehudiy olturaq rayonliri tesis qilishini eyibligenliki we pelestinning öz teqdirini özi belgilesh hoquqini étirap qilghanliqigha yuqiri baha berdi.

1608078
pelestin b d t ning qararigha yuqiri baha berdi

türkiye awazi radiyosi xewiri: pelestin tashqi ishlar ministiri riyad elmaliki b d t kishilik hoquq kéngishining qararigha baha bergen yazma bayanatida: «ishghaliyet astidiki pelestin zéminlirida berpa qilinghan qanunsiz olturaq rayonliri toghrisidiki qararning maqullinishi bu olturaq rayonlarni qollashning toxtitilishini we bayqut qilishning zörürlükini tekitleydu» dégen ibarilerge orun berdi.

maliki, b d t kishilik hoquq kéngishining israiliyening qanunsiz yehudiy olturaq rayonliri tesis qilishini eyiblishi we pelestinliklerning öz teqdirini özi belgilesh hoquqini mueyyenleshtürüsh toghrisidiki qararlarni mutleq köp sanliqning awazi bilen qobul qilishining kishini xushal qilidighanliqini tilgha élip ötti.

yehudiy olturaq rayonlirining emeldin qaldurulushi kéreklikini eskertken maliki: «tinchliq we ikki döletlik hel qilish charisi buzuldi» dégenlerni sözlirige ilawe qildi.

b d t kishilik hoquq kéngishining tünügün chiqirilghan qanunsiz yehudiy köchmenler toghrisidiki qarari 36 döletning qollap bélet tashlishi bilen, pelestinliklerning öz teqdirini özi belgilesh hoquqi toghrisidiki qarar bolsa 42 döletning qollishi bilen maqulluqtin ötkenidi.

 


خەتكۈچ: #b d t , #yehudiy , #pelestin

مۇناسىۋەتلىك خەۋەرلەر