kolombiyede éghir su apiti yüz bérip onlarche adem qaza qildi
jenubiy amérika döliti kolombiyede shiddetlik yamghur peyda qilghan su apiti 45 ademning qaza qilishini keltürüp chiqardi.
1608011
türkiye awazi radiyosi xewiri: kolombiye taratqulirining xewirige qarighanda, döletlik apet we xeterlik ehwallarni bir terep qilish idarisi, yamghur pesli bashlanghandin buyan döletning nurghun jaylirida derya tashqinliri we tagh gümürülüp chüshüsh weqelirining yüz bergenlikini uqturdi.
döletning köp qisim jaylirigha tesir körsetken shiddetlik yamghur peyda qilghan su apetliride 45 ademning qaza qilghanliqi, 23 ademning yarilanghanliqi we üch kishining yoqap ketkenliki bildürüldi.
3145 ailining su apiti we kelkünning tesirige uchrighanliqi , 36 ming ademning bixeter jaylargha tarqaqlashturulghanliqi qeyt qilindi.
kolombiyening antiokya, wallé dél kawka, narino, xuyla we kundinamarka qatarliq chong ölkiliri yamghurning tesirige eng köp uchrighan rayonlar hésablinidu.
dairiler yamghur pesli sewebidin ammini östeng, derya qatarliq éqin qirghaqliridin yiraq turushqa chaqirdi.
مۇناسىۋەتلىك خەۋەرلەر
girétsiyeni chــöl ـ jeziــre chang – tuzangliri qaplap ketti
girétsiyening paytexti atinani afriqadin kelgen chــöl ـ jeziــre chang – tuzangliri qaplap ketti.
