ирақ армийәси терорлуқ тәшкилати даешниң  27 әзасини уҗуқтурди

ирақ армийәси мосулниң тағлиқ районлиридики терорлуқ тәшкилати даешқа қарши елип берилған һәрикәттә 27 террорчиниң өлтүрүлгәнликини елан қилди.

1607850
ирақ армийәси терорлуқ тәшкилати даешниң  27 әзасини уҗуқтурди

түркийә авази радийоси хәвири: ирақ қораллиқ қисмлири байанатчиси биригада командири генерал йәһйа рәсул елан қилған йазма байанатида, армийәгә тәвә терорлуққа қарши туруш қисимлириниң ирақниң шималидики мосулниң маһмур теғи районида 14 күнлүк һәрикәт елип барғанлиқини билдүрди.

йәһйа рәсул һәрикәт җәрйанида, 27 террорчиниң өлтүрүлгәнлики ениқланғанлиқини, шуниң билән биргә йәнә тағлиқ райондики һава һуҗуми нәтиҗисидә гүмүрүлүп чүшкән өңкүрләрниң астида қалған терорчиларниң җәсити техи тепилмиғанлиқини, шуңа у йәрдә өлтүрүлгән террорчилар саниниң техи ениқланмиғанлиқини тәкитлиди.

 

йәһйа рәсул даешқа қарши хәлқара иттипақдаш қисимлар билән ирақ армийәсигә тәвә тик учар вә уруш айропиланлириниң ирақ терорлуққа қарши туруш әтритиниң һәрикитигә һавадин йардәм қилғанлиқини билдүрди.

терорлуқ тәшкилати даеш 2014-йили 6-айда ирақниң мосул, салаһаддин вә әнбар өлкилириниң һәммисини шундақла дийала вә кәркүкниң бир қисим җайлирини ишғал қиливалған болуп,  бу районлар бир нәччә йилдин кейин даештин тазиланған иди.

ирақниң сабиқ баш министири һәйдәр әл ибади 2017-йили 12-айниң 9-күни даешқа қарши ғәлбисини елан қилди.

гәрчә ирақниң даештин тазиланғанлиқиға 3 йилдин ашқан болсиму, даеш ирақниң йеза - қишлақлирида һазирму һуҗумлирини давамлаштурмақта.

 

 



مۇناسىۋەتلىك خەۋەرلەر