nigérda yüz bergen térrorluq hujumida jénidin ayrilghanlarning sani köpeydi
nigérda mali chégrasidiki yéza – qishlaqlargha qilinghan térrorluq hujumlirida hayatidin ayrilghanlarning sani 137 ge yetti.
türkiye awazi radiyosi xewiri: hökümet bayanatchisi zekeriyya abdurrahmaning döletlik téléwiziye qaniligha bergen bayanatida bildürüshiche, yekshenbe küni tahua rayonigha jaylashqan intazayene, barokat we wistane yézilirigha qilinghan hujumlarda 137 kishi hayatidin ayrilghan.
deslepte, hujumlarda 30 kishining qaza qilghanliqi uqturulghanidi.
nigérda aldinqi heptimu mali chégrasigha jaylashqan tillabéri rayonidiki mal baziridin qaytiwatqan puqralar olturghan aptobus hujumgha uchrap, kem dégende 58 kishi jénidin ayrilghanidi, arqidinla dölet miqyasida 3 künlük matem élan qilinghanidi.
yanwar éyidimu, döletning gherbige jaylashqan thombango we zaromdare rayonlirigha jaylashqan yéza – qishlaqlargha qilinghan hujumlarda, kem dégende 100 puqra öltürülgenidi.
sahil rayonida, «3 dölet chégrasi» dep atalghan burkina faso, mali we nigér, yéqinqi yillarda térrorluq teshkilati elqaidege qarashliq guruppilar bilen térrorluq teshkilati daéshning hujumlirigha sehne bolmaqta.
