jo baydin rusiye pirézidénti putinning körüshüsh teklipini qobul qilmidi
rusiye hökümiti pirézidént wladimir putinning amérika pirézidénti jo baydingha qilghan sinliq körüshüsh teklipining qobul qilinmighanliqini élan qildi.
türkiye awazi radiyosi xewiri: rusiye tashqi ishlar ministirliqi yazma bayanat élan qilip, putinning amérika pirézidénti jo baydingha sunghan sinliq körüshüsh teklipining qobul qilinmighanliqini bildürdi.
bayanatta: «amérika wladimir putinning 19-mart yaki 22-martta baydin bilen yighilip qalghan ikki terep munasiwetlirini we istratégiyelik muqimliq mesililirini jemiyetke ochuq halda sinliq körüshüp muzakire qilish telipini qollimidi. rusiye-amérika munasiwetliride, washingtonning xataliqliri bilen peyda bolghan mesililerdin qutulush yolini tépish üchün yene bir purset qoldin ketti. buning mesuliyiti pütünley amérikagha teelluq» déyildi.
rusiye krémil sariyining bayanatchisi dmitriy péskow putin-baydin körüshüsh éhtimalliqi üstide toxtilip: «bügün körüshüsh pilanliri yoq. méning bilishimche amérika terep buninggha teyyar emes» dédi.
amérika pirézidénti jo baydin 17-mart (2021) putinning «qatil» ikenlikini ilgiri sürüp, rusiyening amérika saylamlirigha qol tiqqanliqi üchün «bedel töleydighanliqini» bildürgen idi.
rusiye pirézidénti putin buninggha qarita jo baydingha «salametlik» tilep:
«bashqa döletke, xelqqe yaki kishilerge baha bérish eynekke qarashqa oxshaydu. eynekte her qachan özimizni körimiz» dédi.
putin baydingha sinliq körüshüshni teklip qilghan idi.