nétanyahu tél awiwdin udul mekkige nöwetchi ayropilan uchushini bashlaydighanliqini éytti

israiliye bash ministiri binyamin nétanyahu tél awiwdin udul mekkige nöwetchi ayropilan uchushini bashlashqa wede berdi.

1605388
nétanyahu tél awiwdin udul mekkige nöwetchi ayropilan uchushini bashlaydighanliqini éytti

 

türkiye awazi radiyosi xewiri: nétaniyahu israiliyening «qanal 13» téléwiziyisige bergen bayanatida, pelestinliklerge saylam ötküzüshke wede berdi hemde «eger men qayta saylansam, tél awiwdin udul mekkige ayropilan uchushlirini ishqa ashurimen» dédi.

nétaniyahu bu bayanati arqiliq eger qayta bash ministir bolup saylansa, israiliye bilen seudi erebistan otturisidiki munasiwetlerni normallashturidighanliqidin bisharet bergen boldi.

nétaniyahu 16-martta téléwiziye qaniligha qilghan bayanatida, israiliyening yene 4 dölet bilen munasiwetlirini normallashturidighanliqini bildürgen idi.

amérikaning sabiq pirézidénti donald trampning küyoghli jaréd kushnér 15-martta «The Wall Street Journal» gézitide élan qilghan maqalisida, seudi erebistan, qatar, oman we mawritaniyening israiliye bilen bolghan munasiwetlirini normallashturush kélishim hasil qilishqa yéqin ikenlikini yazghan idi.

israiliyede 2 yil ichide tötinchi qétim muddettin burun saylam ötküzülgen bolup, bu qétimqisi 23-martta ötküzülidu.



مۇناسىۋەتلىك خەۋەرلەر