bash wezir boris jonson yawropa ittipaqining eyibleshlirini ret qildi
bash wezir boris jonson yawropa ittipaqining engliyeni «waksina milletchiliki» bilen eyibleshlirini ret qilip, héchqandaq wuxen wirusi (Kovid-19) waksinasi we waksina matériyallirini éksport qilishni cheklimigenliklirini éytti.
türkiye awazi radiyosi xewiri: engliye bash weziri boris jonson awam palatasida ötküzülgen «bash wezirge soal» pirogrammisida söz qilip, barliq döletlerning waksina milletchilikige qarshi turushi kéreklikini tekitlidi.
u engliyening wuxen wirusi waksinalirigha ige bolush pirogrammisi (COVAX) gha 548 milyon fondstérling yardem qilghanliqini we özlirining buningdin iptixarlinidighanliqini bildürdi.
u yawropa ittipaqi kéngishining bashliqi charliz mishél (Charles Michel) ning «engliye bilen amérika öz térritoriyeside ishlepchiqirilghan waksinalarni we waksina matériyallirini éksport qilishni meni qildi» dégen eyibleshlirini tenqid qildi. u mundaq dédi:
« bir dane wuxen wirusi waksinasi we waksina matériyallirining éksportini meni qilmiduq.»
charliz mishél bayanatida, yawropa ittipaqining waksina milletchiliki qilghanliqi toghrisidiki eyibleshlerni ret qilip, yawropa ittipaqining amérika yaki engliyege oxshash waksina éksport qilishni pütünley cheklimigenlikini we éksportni héchqachan toxtatmighanliqini ilgiri sürgen idi.
