liwiyede yéngi hökümet tizimliki tobruk we tiripolidiki parlaméntqa sunuldi
liwiye döletlik birleshme hökümitining bash ministiri abdulhamid dibeybe yéngi hökümet tizimlikini 8-martta (2021) sirtede toplinishi pilan qilinghan bölünüp turuwatqan tobruk we tiripolidiki parlamént ezaliri teshkilligen parlaméntqa sundi.
türkiye awazi radiyosi xewiri: bash ministirliq axbarat ishxanisi yéngi hökümet tizimlikining tobruk we tiripolidiki parlaméntqa sunulghanliqi toghrisida bayanat élan qildi.
bayanatta, bash ministir dibeybening mezkur qedemni liwiye siyasiy kélishimide békitilgen pilan ramkisida basqanliqi qeyt qilindi.
bash ministir dibeybening bayanatchisi muhemmed mehmut bash minstir dibeybening kabént tizimlikini tobruktiki akile salih bashchiliqidiki parlaméntqa sunghanliqini bildürdi.
bölüngen haldiki tobruk we tiripolidiki barliq parlamént ezalirining 8-martta sirte shehiride akile salih bashchiliqida toplinishi pilan qilinmaqta.
biraq, tiripolidiki parlamént ezalirining köpinchisining bixeterlik endisheliri tüpeylidin sirtege barmaydighanliqi, belki widéo konféransi sheklide ishench awazi tashlashqa qatnishidighanliqi perez qilinmaqta.
liwiyediki kirizisni siyasiy yol bilen hel qilish üchün 5-féwral (2021) b d t bashchiliqida jenwede échilghan liwiye siyasiy diyalog munbiri ezalirining bélet tashlishi bilen, 2021-yili 24-dékabir ötküzülüshi qarar qilinghan saylamghiche döletni bashquridighan waqitliq hökümetning pirézidéntliq kéngishining reislikige muhemmed menfi, bash ministirliq wezipisige abdulhamid dibeybe saylanghan idi.
