amérika iraqtiki herbiy bazisigha qilinghan hujum toghrisida bayanat élan qildi

kirbi bügün iraqtiki eyin elesed hawa armiye bazisigha qilinghan rakéta hujumi toghrisida yazma bayanat élan qildi.

1594686
amérika iraqtiki herbiy bazisigha qilinghan hujum toghrisida bayanat élan qildi

türkiye awazi radiyosi xewiri: amérika dölet mudapie ministirliqi bayanatchisi jon kirbi, amérika eskerliri orunlashturulghan eyin elesed hawa armiye bazisigha qilinghan rakéta hujumi jeryanida amérikaliq bir toxtamliq xizmetchining yürek késili qozghilip qélip qaza qilghanliqini uqturdi.

kirbi bügün iraqtiki eyin elesed hawa armiye bazisigha qilinghan rakéta hujumi toghrisida yazma bayanat élan qildi.

bayanatchi kirbi bazigha 10 rakéta qoyup  bérilgenlikini, emma birmu amérika eskirining ziyangha uchrimighanliqigha isharet qilip: «amérika puqrasi toxtamliq bir xadimning qoghdinish jeryanida yürek késili qozghilip qélip, bextke qarshi qisqa waqit ichide hayatidin ayrildi» dédi.

u, iraq bixeterlik qisimlirining rayonda ikenlikini we weqeni tekshürüwatqanliqini bildürdi.

bazidiki rakéta, zembirek we minamyotning aldini élish sistémisining qozghitilghanliqini tilgha alghan kirbi, amérika dölet mudapie ministiri loyd ostingha hujum heqqide melumat bérilgenlikini eskertti.

15- féwralda amérika eskerliri turushluq erbil ayrodurumi, 22- féwralda baghdadiki yéshil rayon rakéta hujumigha uchrighanidi.

amérika armiyesi bolsa, iran himayisidiki xelq eskerlirige tewe süriye- iraq chégrasining süriye teripige hawadin hujum qilip, iran hamiyliqidiki bir xelq eskirini öltürgenidi.


خەتكۈچ: #hujum , #iraq , #amérika

مۇناسىۋەتلىك خەۋەرلەر