парижда үч тәшкилат бәшшар әсәд һакимийити үстидин әрз қилди

фирансийә пайтәхти парижда үч иҗтимаий тәшкилат 2013-йили сүрийәниң шәрқий гута районида қилинған химийәлик һуҗумларда «уруш җинайити» вә «инсанийәткә қарши җинайәт» өткүзүлгәнликини билдүрүп, бәшшар әсәд һакимийити үстидин әрз қилди.

1594162
парижда үч тәшкилат бәшшар әсәд һакимийити үстидин әрз қилди

түркийә авази радийоси хәвири: сүрийә медйа вә пикир әркинлики мәркизи, очуқ җәмийәт адаләт һәрикити вә «сүрийә архипи» намлиқ үч тәшкилат бирликтә йазма байанат елан қилип, 2013-йили авғуст ейида шәрқий гута райониға қилинған химийәлик һуҗумлар тоғрисида нурғун дәлил-испат, һөҗҗәт, фотограф вә видеоларниң топланғанлиқини билдүрди.

байанатта, бәшшар әсәд һакимийити «уруш җинайити» вә «инсанийәткә қарши җинайәт» өткүзгәнлики сәвәбидин париж әдлийә мәһкимисигә әрз қилинғанлиқи қәйт қилинди.

байанатта, сүрийә архипиниң директори һади ал хатибниң сүрийә һакимийитиниң химийәлик қоралларни йасаш вә ишлитиш мәсилисидә очуқ-ашкара болмиғанлиқини, шуңа бәшшар әсәд һакимийитиниң  бу һуҗумларға мәсул болуши керәкликини тәкитлигәнлики билдүрүлди.

байанатта, сүрийә медйа вә пикир әркинлики мәркизиниң директори мазән дәрвишниң һәр қайси дөләтләрниң бәшшар әсәд һакимийитиниң сотқа тартилиши үчүн хәлқаралиқ сот қуруши керәкликини тәләп қилғанлиқи әскәртилди.

мәзкур үч тәшкилат 2020-йили өктәбирдиму бәшшар әсәд һакимийитиниң химийәлик қорал ишләткәнликини сәвәб қилип, германийәниң карлсруһе (Karlsruhe) федератсийә тәптиш мәһкимисигиму әрз қилған иди.

бәшшар әсәд һакимийити 2013-йили 21-авғуст шәрқий гута райониға қилған химийәлик һуҗумда, 1400 дин артуқ пуқра җенидин айрилған иди.



مۇناسىۋەتلىك خەۋەرلەر