нигерийәдә боко һарам террорлуқ тәшкилати армийә қисимлириға һуҗум қилди

нигерийәниң шәрқий шималида террорлуқ тәшкилати боко һарамниң һуҗумида йәттә нәпәр инсанпәрвәрлик йардәм хадимини елип қачти.

1594052
нигерийәдә боко һарам террорлуқ тәшкилати армийә қисимлириға һуҗум қилди

түркийә авази радийоси хәвири: боко һарам террорлуқ тәшкилати борно (Borno) иштатидики диква (Dikwa) районида нигерийә армийә қисмиға һуҗум қилди. һуҗумда, районда вәзипә өтәватқан йәттә нәпәр инсанпәрвәрлик йардәм хадими елип қечилди, уларниң ишханилириға вә бир дохттурханиға от қойуп берилди.

б д т инсанпәрвәрлик йардәм оргининиң нигерийә кординатори едвард каллон (Edward Kallon) боко һарам террорлуқ тәшкилатиниң һуҗумини әйибләп, райондики хәлқниң бихәтәрлики үстидә әндишә қиливатқанлиқлирини билдүрди.

у мәзкур һуҗум сәвәбидин районда инсанпәрвәрлик йардәмгә еһтийаҗлиқ тәхминән 100 миң кишиниң хәтәр астида икәнликини ейтти.

нигерийәниң кадуна (Kaduna) иштатидиму қораллиқ кишиләрниң һуҗумида 16 киши җенидин айрилди.

кадуна иштатиниң ички хәвпсизлик вә ички ишлар комиссари самуел аруван (Samuel Aruwan) кимлики һазирғичә ениқланмиған қораллиқ кишиләрниң иштатниң зангон катаф (Zangon Kataf) вә курмин ганду (Kurmin Gandu) йезилириға һуҗум қилғанлиқини билдүрди.

самуел аруван һуҗумда 16 кишиниң җенидин айрилип, нурғун кишиниң йариланғанлиқини вә район хәлқиниң қорққанлиқтин өйлиридин айрилғанлиқини қәйт қилди.

самуел аруван йәнә, 10 өй вә икки мотосиклитниң көйүп күл болғанлиқини, районға хәвпсизлик тармақлириниң әвәтилгәнликини вә вәқәгә мунасивәтлик тәкшүрүшләрниң башланғанлиқини ейтти.



مۇناسىۋەتلىك خەۋەرلەر