әрәб бирләшмә хәлипиликиниң сокотра арилиға әскәр йөткигәнлики илгири сүрүлди

йәмән учур – ахбарат министирлиқиниң муавин башлиқи мухтар әрраһби, әрәб бирләшмә хәлипиликиниң йәмәнниң җәнубидики сокотра портиға һәрбий йөткигәнликини билдүрди.

1593445
әрәб бирләшмә хәлипиликиниң сокотра арилиға әскәр йөткигәнлики илгири сүрүлди

түркийә авази радийоси хәвири: раһби тивиттердики адресида байанат елан қилип, әбудаби һөкүмитиниң йуқири дәриҗилик әскәрлирини районға әвәткәнликини, оқ - дора қачиланған һәрбий парахотиниңму портқа йетип кәлгәнликини уқтурди.

һәрбий әмәлдарларниң кимлики тоғрисида һечқандақ учур берилмиди, әрәб бирләшмә хәлипиликиму бу мәсилә тоғрисида һечқандақ байанат елан қилмиди.

әрәб бирләшмә хәлипиликиниң сабиқ ташқи ишлар министири әнвәр гаргаш дөлитиниң өткән йили өктәбирдә йәмәндики һәрбий мәвҗутлуқини ахирлаштурғанлиқини елан қилғаниди.

йәмән учур – ахбарат министирлиқи мәслиһәтчиси муһәммәд кийзан бу байанатни рәт қилип, әрәб бирләшмә хәлипиликиниң йәмәндә йәнила һәрбий мәвҗутлуқини давамлаштуруватқанлиқини һәммә адәм билиду, дегәниди.

сокотра валийси рәмзи маһрусму алдинқи һәптә әрәб бирләшмә хәлипиликиниң һәрбий аптомобилларни сокотра портиға әвәткәнликини елан қилғаниди.



مۇناسىۋەتلىك خەۋەرلەر