yaponiyede 13-féwral yüz bergen yer tewreshte bir kishi jénidin ayrildi

türkiye awazi radiyosi xewiri: yaponiyening fukushima wilayitining déngiz tewelikide 13-féwral yüz bergen 7.3 bal yer tewreshte bir kishining jénidin ayrilghanliqi bildürüldi.

fukushima sheherlik hökümet 7.3 bal yer tewreshtin kéyin yüz bergen tunji ölüm toghrisida doklat élan qildi.

bayanatta, bir dosti uzunghiche xewer alalmighan 50 yashliq kishining öyidiki waqitta yüz bergen yer tewreshte özini daldigha alghan jabduqning astida ölük halda tépilghanliqi qeyt qilindi.

ot we tebiiy apetlerge taqabil turush agéntliqi, bu qétimqi yer tewreshte sherqiy shimaldiki 10 wilayette 185 kishining yarilanghanliqini we 3 ming 112 binaning oxshimighan derijide buzghunchiliqlarning bolghanliqini uqturdi.

yer tewresh miyagi, iwate, akita, gunma, saitama, amori we paytext tokyo qatarliq sheherlerdimu hés qilinghan idi.