amérika rayon döletlirini birma köchmenlirini döletlirige qayturup bermeslikke chaqirdi

amérika qoshma ishtatliri rayon döletlirini bérma köchmenlirini ötküzüp bermeslikke chaqirdi.

1590508
amérika rayon döletlirini birma köchmenlirini döletlirige qayturup bermeslikke chaqirdi

türkiye awazi radiyosi xewiri: amérika tashqi ishlar ministirliqi bayanatchisi néd prays kündilik muxbirlarni kütüwélish yighinida bir soalgha  1 - féwraldiki siyasiy özgirishtin buyan bérmada malimanchiliqning dawamlishiwatqanliqini eskertken halda jawab bérip: «sotning qararigha qarimay, bérma puqralirining malayshiyadin qoghlinishidin endishe qilmaqtimiz» dédi.

néd prays: «biz rayondiki birma köchmenlirini qayturup bérishni oylishiwatqan barliq döletlerni birleshken döletler teshkilati musapirlar aliy komissarliqi, bu kishilerning bixeterlikining xewp astida yaki emeslikini éniqlap bolghuche birmagha qayturup bérishni toxtitishqa chaqirimiz» dégenlerni qeyt qildi.

bérma armiyesining kishilik hoquqqa dexli - teruz qilish tarixining uzun ikenlikige isharet qilghan prays, amérikaning insanperwerlik yardimige mohtaj az sanliq milletlerge dawamliq yardem qilidighanliqini tekitlidi.

shuning bilen bir waqitta, malayshiyagha qanunsiz kirgen we sotning qarari bilen ularning döletlirige qayturulushi waqtinche toxtitilghan bérma puqrasi 114 köchmenning malayshiyada turush mudditi sotning qarari bilen uzartildi.

malayshiya köchmenler idarisi 16 – féwralda bayanat élan qilip, malayshiyada küchke ige turush kinishkisi (iqamiti) bolmighan, wiza waqti toshqan we sayahet wizisini oxshimighan meqsette ishletken bérma puqrasi 1200 kishining dölitige qayturulidighanliqini uqturghanidi.

aliy sot, xelqara kechürüm teshkilatining bérma köchmenlirini ötküzüp bérish buyruqini waqtinche toxtitish iltimasini 23 - féwralda qobul qilip, köchmenlerni chégradin qoghlap chiqirishning toxtitilghanliqini élan qilghanidi.

sotning qararigha qarimay, malayshiya köchmenler idarisi 1200 birmaliq köchmenning 1086 ni qayturup bergenidi.



مۇناسىۋەتلىك خەۋەرلەر