baydin bilen kazimi téléfonlashti

türkiye awazi radiyosi xewiri: aqsarayning ikki rehberning téléfon söhbitige munasiwetlik yazma bayanatida, pirézidént baydinning amérikaning iraqning igilik hoquqi we musteqilliqini qollaydighanliqini tekitligenliki we bash ministir kazimining rehberlikini yene bir qétim tebrikliki qeyt qilindi.

bayanatta: «ikki rehber yéqinda iraq we birleshme armiye xadimliri hujum nishani qilinghan rakétamiyut hujumi toghrisida sözleshti we hujumni sadir qilghuchilarning toluq jawabkarliqqa tartilishi kérekliki toghrisida birdeklik hasil qildi» dégen ibarilerge orun bérildi.

bayanatta yene, baydin bilen kazimining «istratégiyelik diyalog» arqiliq amérika - iraq munasiwitini tereqqiy qildurushning muhimliqini tekitligenliki otturigha qoyuldi.

ötken hepte iraqtiki amérika eskerliri turuwatqan erbil ayrodurumi, aldinqi küni bolsa, baghdadtiki alahide küchlük muhapizet qiliniwatqan yéshil rayon rakétamiyut hujumigha uchrighanidi.

rayondiki nurghun menbeler hujumning arqisida iranning barliqigha isharet qiliwatqan bolsimu, amérika emeldarliri hujumni sadir qilghuchilarni éniqlash tekshürüshining téxi tügimigenlikini bildürgenidi.