бир қисим шәрқ дөләтлиридики йуқумға алақидар санлиқ мәлуматлар төвәндикичә:
дунйа миқйасида ковид-19 сәвәбидин қаза қилғанларниң сани 2 милйон 496 миң 900 дин ешип кәтти. йуқумланғанларниң сани 112 милйон 660 миңға вә әслигә кәлгәнләрниң сани 88 милйон 254 миңға йәтти.
түркийә авази радийоси хәвири: һиндистанда йуқум сәвәбидин йеқинқи 24 саәт ичидә 100 киши қаза қилди. 13 миң 463 киши йуқумланди. һиндистанда йуқум сәвәбидин қаза қилғанларниң омумий сани 156 миң 598 гә, йуқумланғанларниң омумий сани 11 милйон 29 миң 326 гә йәтти.
йапонийәдики ковид-19 ға қарши мәмликәт миқйасида йолға қойулған җиддий һаләтни осака, хийого, кйото вә айчи қатарлиқ өлгиләрдә муддәттин бурун бикар қилиш тәләп қилинди.
исраилийәдә ковид-19 йуқуминиң мәвҗутлуқини инкар қилған вә амминиң вирусқа қарши ваксина әмлинишигә қарши чиққан бир дохтурниң бней брак шәһиридә клиника ичиши үчүн берилгән рухсәт әмәлдин қалдурулди. дәриҗидин ташқири ортодокс йәһудийлар зич олтурақлашқан вә нопуси тәхминән 210 миң әтрапида болған бней брак шәһиридә һәр 5 кишидин бирсиниң ковид -19 билән йуқумланғанлиқи һәмминиң диққитини тартмақта.
пәләстин иқтисад министири халид әл усәйли вә һөкүмәт байанатчиси ибраһим әлмулһәмниң ковид -19 билән йуқумланғанлиқи билдүрүлди. пәләстиндә йуқум сәвәбидин қаза қилғанларниң сани 3 миңға вә йуқумланғучиларниң сани 199 миң 769 гә йәтти.
сенегал пирезиденти маккий сал дөлитиниң хәлиарлиқ ваксина программиси (COVAX) ға киргүзүлгәнликини, әмма бу җәрйанниң наһайити аста меңиватқанлиқини билдүрүп, «тәрәққий тапқан дөләтләрдә ваксина әмләш хизмәтлири башлинип болған бир вәзийәттә, пирезидент болуш сүпитим билән (COVAX) ваксиналирини күтүп турайлайттим» деди вә хитай ишләпчиқарған тунҗи ваксина синофарм болғанлиқи үчүн уни елишни таллиғанлиқини ейтти.
