йәһудий йашларниң асаслиқ көп қисминиң пәләстинликләрдин нәпрәтлинидиғанлиқи оттуриға чиқти
исраилийәдә елип берилған бир рай синаш нәтиҗисидә, йәһудий йашларниң асаслиқ көп қисминиң исраилийә пуқралиқиға игә пәләстинликләрни өч көридиғанлиқи вә уларниң дөләттин айрилишини тәләп қилидиғанлиқи оттуриға чиқти.
түркийә авази радийоси хәвири: ишғалийәт астидики шәрқий қуддус турушлуқ ибраний унверситити 16 йаштин 18 йашқичә болған 1100 йашниң қетилиши билән елип берилған җамаәт пикири тәкшүрүш нәтиҗисини елан қилди.
өткән йили 5-айдин 7-айғичә елип берилған тәкшүрүшкә асасланғанда, рай синашқа қатнашқан дәриҗидин ташқири ортодокис йәһудий йашлириниң 66% и, диндар йәһудийларниң %42 и, секолар йәһудиларниң %24 и исраилийә пуқралиқиға игә пәлстинликләрни өч көридиғанлиқини ейтқан.
буниңдин башқа йәнә, дәриҗидин ташқири ортодокис йәһудийларни өз ичигә алған диндар исраилийәликләрниң %49 и вә секолар йәһудиларниң %23 и пәләстинликләрниң исраилийә пуқралиқидин чиқирип ташлиниши керәкликини қоллайдиғанлиқини билдүрүшкән.
исраилийәлик секулар йәһудий йашлириниң 23% и болса, дәриҗидин ташқири ортодокис йәһудийладинму нәпрәтлинидиғанлиқлирини ейтқан.
исраилийә пуқралиқиға игә пәләстинликләрниң сани 1 милйон 900 миң әтрапида болуп, исраилийә омумий нопусниң тәхминән %21 ни тәшкил қилиду.
исраилийә пуқралиқиға игә пәләстинликләргә вәкиллик қилидиған партийәләрдин тәркиб тапқан бирләшмә әрәб тизимлики гурупписиниң 120 кишилик парламентта 15 парламент әзаси бар.
