xitay bilen hindistan chégradin esker chékindürüsh musapisining tamamlanghanliqini uqturdi

türkiye awazi radiyosi xewiri: «hindistan waqit géziti», hindistan we xitay dölet mudapie ministirliqlirining birleshme bayanat élan qilip, ikki terepning herbiy qisimlirining pangung köli etrapidin chékinishni toluq tamamlighanliqini uqturghanliqini xewer qildi.

gézitning xewiride körsitilishiche, bayanatta, bu heriketke bashqa talash - tartishlarni hel qilishtiki «muhim ilgirilesh» dep baha bérilgen.

xewerde, tereplerning alaqe we diyalogni saqlap qélish, weziyetni muqimlashturush we bashqa mesililerni özara qobul qilishqa bolidighan shekilde hel qilish toghrisida kélishkenliki qeyt qilindi.

xitay we hindistan eskerliri 2020- yili 6- ayda ladax rayonining galwan wadisida toqunushqan , weqede 20 hindistan eskiri qaza qilghanidi.

aldinqi ayda ötküzülgen ikki dölet herbiy wekillirining toqquzinchi qétimliq aylanma söhbitide, chégradin esker chékindürüsh we weziyetni kontrol qilip, ladax rayonining sherqidiki rayonni muqimlashturush üchün dawamliq tirishchanliq körsitish qarar qilinghanidi .

himalaya téghi bilen qorshalghan xitay bilen hindistan otturisidiki éniqsiz chégra liniyesi döletler otturisidiki igilik hoquqi majirasini keltürüp chiqarmaqta . éqin sular, köl, muzluqlar we qarliq choqqilarni öz ichige alghan  3500 kilométir uzunluqtiki chégra tereplerni daim özara qarimuqarshi haletke keltürüp qoymaqta.