dunya sehiye teshkilati: 2021-yili wuxen wirusi yili bolidu

dunya sehiye teshkilati wuxen wirusi (Kovid-19) ning 2022-yilining bashlirida tügeydighanliqini we eng nachar sénariyening arqida qalghanliqini élan qildi.

1587996
dunya sehiye teshkilati: 2021-yili wuxen wirusi yili bolidu

türkiye awazi radiyosi xewiri: dunya sehiye teshkilatining yawropa diréktori doktor xans klug (Hans Kluge) daniye döletlik radiyosi (DR) gha bayanat bérip, 2021-yilining «wuxen wirusi yili» bolidighanliqini, emma 2020-yiligha sélishturghanda temkinlik bilen tizginligili bolidighanliqini bildürdi.

u eng nachar sénariyening arqida qalghanliqini, wirus tunji tarqilishqa bashlighan 2020-yiligha sélishturghanda wirus toghrisida téximu köp uchurgha ige ikenliklirini eskertti.

u wuxen wirusigha munasiwetlik yüz bergen weqelerni héchkimning aldin bilelmeydighanliqini bildürüp, özining perezliri toghrisida mundaq dédi:

«2022-yilining béshida yuqumni axirlishidu dep oylaymen.»

u yene mundaq dédi:

«wirus mewjut bolidu, biraq cheklimilerge éhtiyajliq bolimiz dep oylimaymen. bu kishini ümidlendüridighan xewer.»

u wuxen wirusining yéngi türi toghrisida toxtalghanda, wirusning türini özgertishining normal ikenlikini, yuqumlanghan kishige maslishishqa tirishidighanliqini, shundaqtimu téz tarqilishining özlirini endishelendürüwatqanliqini qeyt qildi.

u wuxen wirusining eng téz tarqilidighan türlirining süriti sewebidin waksinalarning ünümining qanchilik bolidighanliqini yéqindin közitiwatqanliqlirini, zörür tépilghanda, waksinalarni yéngi tür wirusqa qarita tengsheshning mumkinlikini, shunga yéngi tür wiruslar üchün bashqidin waksina yasashqa kérek yoqluqini éytti.



مۇناسىۋەتلىك خەۋەرلەر