әнглийәдә семизлик кәлтүрүп чиқарған өлүм нисбитиниң ешип кәткәнлики ениқланди

түркийә авази радийоси хәвири: гиласгов университети тәтқиқатчилири 2003 - йилидин 2017 - йилиғичә 192 миң 239 әнглийәлик вә шотландийәлик қурамиға йәткәнләрниң сағламлиқ әһвалиға даир санлиқ мәлуматлирини тәкшүрүп чиқти.

тәкшүрүш нәтиҗиси, тамака чекиш сәвәбидин қаза қилғанлар нисбитиниң %23.1 тин %19.4 кә төвәнлигәнликини, семизлик вә бәдәндики йағниң ешип кетиши сәвәбидин қаза қилғанлар нисбитиниң %17.9 тин %23.1 кә өрлигәнликини оттуриға қойди.

тәтқиқат нәтиҗиси доклатчиси җим пел бу һәқтә тохтилип: «тамака чекиш сақлинишқа болидиған өлүм сәвәблириниң алдинқи қатаридин орун алидиған болғачқа, узун йиллардин буйан аммиви сағламлиққа капаләтлик қилиш күришиниң асаслиқ нишани болуп кәлди. әнглийәдә тамака чекиш нисбити төвәнлиди, әмма семизлик көпийип кәтти» деди.

семизлик рак вә йүрәк қан томур кесәлликлирини кәлтүрүп чиқиридиған болғачқа, буниңға мунасивәтлик адәм өлүш нисбитиниңму көпийиватқанлиқини билдүргән пел, семизликкә қарши туруш истратегийәсини тәрәққий қилдурушниң аммиви сағламлиқниң муһим нуқтиси болуши керәкликини тәкитлиди.