shiwétsiye, ukraina, rusiye we daniye qatarliq döletler türkiyege teziye bildürdi

türkiye awazi radiyosi xewiri: shiwétsiye tashqi ishlar ministiri an lindé iraqning gara rayonida bölgünchi térrorluq teshkilati p k k teripidin shéhit qilinghan 13 türkiye puqrasi üchün teziye télégrammisi tarqatti.

an lindé özining tiwittér adrésida télégramma tarqitip: «men iraqning shimalidiki térrorluq herikitide hayatidin ayrilghan türkiye puqralirining aile- tawabiatlirigha semimiy teziye bildürimen. biz türkiye xelqi bilen hemkarliq ichidimiz» dédi

qebih térrorluq qilmishini ukrainamu eyiblidi؛ ukraina tashqi ishlar ministirliqining tiwittérdiki adrésida türkche élan qilinghan bayanatta, iraqning shimalidiki gara rayonida türkiye puqralirining shéhit qilinghanliqi toghrisidiki xewerni anglap chongqur qayghurghanliqliri qeyt qilindi.

dostane türk xelqi we térrorluq hujumida hayatidin ayrilghanlarning aile- tawabiatliri we tughqanlirigha semimiy teziye bildürülgen mezkur bayanatta: «qoralsiz kishilerning qatilliri eng qattiq eyibleshke layiqtur» dégen ibarilerge orun bérildi.

rusiye we daniyening enqerediki elchixanilirimu 13 shéhit üchün teziye télégrammisi tarqatti.