dunyada waba sewebidin jénidin ayrilghanlar 2 milyon 429 mingdin ashti

türkiye awazi radiyosi xewiri: yéqinqi bir künde wuxen wirusi sewebidin 105 kishi jénidin ayrilip, jemiy san 499 ming 991 ge yetken amérikada, oxshash waqitta, 40 ming 400 kishi yuqumlandi we jemiy yuqumlanghanlar sani 28 milyon 381 ming 220 ge yetti.

niyu york waliysi andriju kumo (Andrew Cuomo) sanatoriyerlediki wuxen wirusigha munasiwetlik ölümlerning yoshurulghanliqi heqqidiki eyibleshlerni qobul qilip, özlirining xata qilghaliqlirini we yéterlik derijide ochuq-ashkara bolalmighanliqlirini bildürdi.

niyu york bash teptish idarisi 28-yanwar (2021) élan qilghan 76 betlik doklatta, ishtatning sehiye orgini sanatoriyelerdiki wuxen wirusigha munasiwetlik ölümlerni %50 ge yétidighan nisbette az körsitish bilen tenqidligen idi.

sehiye organliri sanatoriyelerde wuxen wirusigha munasiwetlik ölüm sanini 8 ming 500 etrapida dep élan qilghan bolsimu, emma bu sanning 15 mingdin artuq ikenlikining bayqalghanliqi bildürülgen idi.

méksikagha amérika dora shirkiti fayzér (Pfizer) yasighan wuxen wirusi waksinasidin 491 ming 400 shishe yetküzüldi.

méksika hökümiti hazirghiche amérika fayzér shirkitidin 34.4 milyon shishe, oksford uniwérstétining dora shirkiti bilen astrazénéka (AstraZeneca) shirkiti hemkarliship tetqiq qilip yasighan waksinadin 77.4 milyon shishe, dunya wuxen wirusi waksinalirigha érishish pirogrammisi (COVAX) din 51.5 milyon shishe waksina sétiwélish kélishimi imzalighan idi.

engliyede yéqinqi 24 saette wuxen wirusi sewebidin 799 kishi jénidin ayrildi, 10 ming 625 kishi yuqumlandi. wirus sewebidin jénidin ayrilghanlarning jemiy sani 118 ming 195 ke, jemiy yuqumlanghanlar sani 4 milyon 58 ming 468 ge chiqti.

italiyede yéqinqi 24 saette wuxen wirusi sewebidin 336 kishi jénidin ayrildi we jemiy san 94 ming 171 ge chiqti. oxshash waqitta, 10 ming 386 kishi yuqumlandi we jemiy san 2 milyon 739 ming 591 ge chiqti.

firansiyede yéqinqi 24 saette wuxen wirusi sewebidin 410 kishi jénidin ayrildi we jemiy san 82 ming 812 ge chiqti. oxshash waqitta, 19 ming 590 kishi yuqumlandi we jemiy san 3 milyon 489 ming 129 gha chiqti.

ispaniyede yéqinqi 24 saette wuxen wirusi sewebidin 530 kishi jénidin ayrildi we jemiy san 65 ming 979 gha chiqti. oxshash waqitta, 10 ming 57 kishi yuqumlandi we jemiy yuqumlanghanlar sani 3 milyon 96 ming 343 ke chiqti.

asiya qiteside wuxen wirusining eng éghir tesirige uchrighan hindistanda, yéqinqi 24 saette 109 kishi jénidin ayrildi, 11 ming 795 kishi yuqumlandi. wirus sewebidin jénidin ayrilghanlarning jemiy sani 155 ming 949 gha, yuqumlanghanlar sani 10 milyon 937 ming 320 ge chiqti.

wuxen wirusi sewebidin 777 kishi jénidin ayrilghan, 148 ming 296 kishi yuqumlanghan nigériyede, hökümet wuxen wirusigha qarshi turush ramkisida astrzénéka shirkitidin yene 1.4 milyon shishe waksina sétiwaldi. deslepte bu waksinalarning 500 mingi féwralning axirighiche nigériyege yetküzülidu.

wuxen wirusi sewebidin 7 ming 15 kishi jénidin ayrilghan, 417 ming 765 tin artuq kishi yuqumlanghan yaponiyede, sehiye xadimlirigha waksina emlesh bashlandi. kéler heptigiche 40 ming sehiye xadimigha birinchi qétimliq emleshning pilan qilinghanliqi qeyt qilindi.

wuxen wirusi sewebidin 13 ming 192 kishi jénidin ayrilghan, 649 ming 982 kishi yuqumlanghan iraqta, nejef waliysi luwey elyasiri wuxen wirusigha qarshi turush ramkisida, bashqa sheherlerge qarita chégrani töt kün taqashni qarar qildi.

yéqinqi 24 saette biraziliyede 1 ming 167, méksikada 1 ming 329, argéntinada 106, kolombiyede 163, péruda 176, chilida 20, boliwiyede 40 kishi jénidin ayrildi.

buning bilen, yuqiridiki döletlerde wuxen wirusi sewebidin jéndin ayrilghanlarning jemiy sani töwendikiche:

biraziliye 240 ming 983, méksika 175 ming 986, argéntina 50 ming 432, kolombiye 57 ming 949, péru 44 ming 56, chili 19 ming 644, boliwiye 11 ming 274.