xitay BBC ni cheklidi

türkiye awazi radiyosi xewiri: xitayning yer shari xaraktérlik téléwiziyesi (CGTN) ning xewer qilishiche, xitay döletlik radiyo-téléwiziye idarisi bayanat élan qilip, «‹ BBC World News› téléwiziye qanili» ning, xitaygha munasiwetlik xewerlerning bir qismida «heqiqette ching turush we bitereplik pirinsipi» gha xilapliq qilghanliqini ilgiri sürgen.

engliye tashqi ishlar weziri dominik raab, xitaygha naraziliq bildürüp élan qilghan yazma bayanatida, «‹ BBC World News› téléwiziye qanili» ning pirogramma tarqitishini cheklesh qararini, «axbarat erkinlikini qobul qilghili bolmaydighan shekilde cheklesh» dep atidi.

xitayning dunya miqyasida axbarat we intérnét erkinlikige eng qattiq cheklime qoyuwatqan döletlerning biri ikenlikini eskertken rab, bu axirqi qedemning, xitayning dunyadiki inawitige ziyan yetküzüshtin bashqa héchnémige esqatmaydighanliqini ilgiri sürdi.

amérika qoshma ishtatliri tashqi ishlar ministirliqi bayanatchisi néd prays, xitayning engliyening axbarat «‹ BBC World News› téléwiziye qanili» ni cheklishige naraziliq bildürdi, qattiq eyiblidi, hemde béyjingni intérnét we axbarat wasitilirigha cheklime qoymasliqqa chaqirdi.

engliye axbarat wasitilirini nazaret qilish orgini Ofcom, 4 – féwral küni, xitayning ingliz tilida tarqitish béridighan (CGTN) téléwiziyesning ijazetnamisini bikar qilghanidi.

xitay tashqi ishlar ministirliqi, engliyening CGTN téléwiziyesining  ijazetnamisini bikar qilishini «qosh ölchemlik pozitsiye» dep atap, engliye hökümitini «xataliqini tüzitish» ke chaqirghanidi.