iraq armiyesi térrorluq teshkilati daéshqa qarshi keng kölemlik heriket bashlidi

türkiye awazi radiyosi xewiri: iraq dölet mudapie ministirliqining bayanatigha asaslanghanda, iraq armiyesi we hashdi shabi  qisimlirining paytext baghdad we enbar bilen salahiddinning gherbidiki rayonlardin terkip tapqan 3 nuqtida heriket bashlighan we iraq hawa armiyesimu bu heriketni qollap – quwwetligen.

bayanatta, heriketning meqsitining térorluq teshkilati daéshning mezkur rayonlardiki mewjutluqini yoqitish ikenliki bildürüldi.

daéshning 21 - yanwarda baghdadning merkizidiki bir bazargha qilghan hujumida, 32 kishi qaza qilip, 110 kishi yarilanghan idi.

iraq bash ministiri mustapa elkazimi 28-yanwarda daéshning atalmish ​​iraq waliysi ebu yasir isawining öltürülgenlikini élan qilghan idi.

iraq bixeterlik qisimliri we shie qoralliq küchliri 8-féwral (2021) da daéshning baghdad, nejef we kerbaladiki shielerge tewe muqeddes jaylargha hujum qilidighanliqi heqqidiki  xewerlerdin kéyin, qoralliq herbiy parat ötküzgen idi.