kéngesh palatasi trampni sotlashni qarar qildi
amérika kéngesh palatasi sabiq pirézidént donald trampning «hoquqidin élip tashlash» telipi bilen sotlinishining asasiy qanungha uyghun yaki emesliki üstide élip bérilghan bélet tashlashta, asasiy qanungha uyghun dégen netije chiqti.
türkiye awazi radiyosi xewiri: kéngesh palatasi 6-yanwar (2021) yüz bergen kongrege bésip weqesi munasiwiti bilen, wezipe ötesh mudditi axirlashqan pirézidéntni sotlash yaki sotlimasliq üstide bélet tashlidi. 44 jumhuriyetchi trampni sotlash asasiy qanungha uyghun emes, 56 jumhuriyetchi bolsa, asasiy qanungha uyghun dep bélet tashlidi. kéngesh palatasidiki 50 démokrat ezadin bashqa, alte jumhuriyetchi ezaning trampqa qarshi bélet tashlishi alahide diqqet qozghidi.
amérika taratquliridiki xewerlerde, trampning «jinayetchi» dep békitilishi üchün 67 awazning kérekliki, kéngesh palatasining hazirqi ehwalida buning mumkin emesliki qeyt qilinmaqta.
kéngesh palatasi bügün (2021-yili 10-féwral) mu toplinidu. 100 kishilik palatada, sabiq pirézidént trampning «jinayetchi» dep békitilishi üchün eng az dégende 3 tin 2 qisim (67 kéngesh palata ezasi) eza trampni eyiblep bélet tashlishi kérek.
démokratlar bilen jumhuriyetchiler 50 din ezagha ige kéngesh palatasida, trampning aqlinishi perez qilinmaqta.
bir saqchini öz ichige alghan besh kishi jénidin ayrilghan kongrege bésip kirish weqeside, trampni «isyan qilishqa küshkürtüsh» bilen eyiblep chiqirilghan «hoquqidin élip tashlash» telipi, 14-yanwar awam palatasi teripidin qobul qilinghan idi.
