yawropadiki üch dölet üch rus diplomatni «xalanmighan adem» dep élan qildi

gérmaniye, shiwétsiye we polsha qatarliq döletler tewelikliride xizmet qiliwatqan birdin rus diplomatni «xalanmighan adem» dep élan qildi.

1579809
yawropadiki üch dölet üch rus diplomatni «xalanmighan adem» dep élan qildi

türkiye awazi radiyosi xewiri:  gérmaniye tashqi ishlar ministirliqi yazma bayanat élan qilip, rusiyening bérlindiki elchixanisidiki bir xizmetchining 1961 - yili 18 - apréldiki wyénna diplomatik munasiwet ehdinamisining 9 - maddisidiki belgilimige asasen «xalanmighan adem» dep élan qilinghanliqini uqturdi.

bayanatta, gérmaniye hökümitining bu qedimining rusiyening 5 - féwraldiki qararigha bildürülgen naraziliqning ipadisi ikenliki otturigha qoyuldi.

shiwétsiyemu rusiyening stokholmdiki elchixanisida ishleydighan bir rus diplomatni «xalanmighan adem» dep jakarlidi.

shiwétsiye tashqi ishlar ministiri en lindé dölet radiyosi SVT ge bayanat béirp, özlirining stokholm elchixanisida ishlewatqan bir rus diplomatni «xalanmighan adem» dep jakarlighanliqlirini bildürüp: «rusiye bizge bashqa yol qoymidi» dédi.

polsha tashqi ishlar ministirliqining bayanatida bolsa, rusiyening poznandiki konsulxanisida ishleydighan bir diplomatni chégradin qoghlap chiqirishning qarar qilinghanliqi eskertildi.

rusiye tashqi ishlar ministirliqi 5 – féwralda rus öktichi alékséy nawalniyni qollash namayishlirigha ishtirak qilghanliqini ilgiri sürüp gérmaniye, polsha we shiwétsiye elchixaniliridin üch diplomatni «xalanmighan adem» élan qilghanidi.


خەتكۈچ: #diplomat , #rus , #yawropa

مۇناسىۋەتلىك خەۋەرلەر