amérika b d t kishilik hoquq kéngishige qaytip keldi
b d t amérikaning merkizi jenwege jaylashqan kishilik hoquq kéngishige qaytidin qatnishishini mennunluq bilen qarshi aldi.
türkiye awazi radiyosi xewiri: b d t bash katipining bayanatchisi stéfan dujarik (Stephane Dujarric) kündilik axbarat élan qilish yighinida, kishilik hoquqqa munasiwetlik barliq mesililerning muzakire qilinishida bashchiiq qilinidighan kéngeshte, amérikaning «muhim awazini» anglashni hayajan ichide kütüwatqanliqlirini éytti.
jo baydin hökümiti amérikaning b d t kishilik hoquq kéngishige «közetküchi» salahiyitide qatnishishni qarar qilghanliqini élan qilghan idi.
sabiq pirézidént donald tramp 2018-yili isirailiyege qarshi bir tereplime ikenlikini seweb körsitip, b d t kishilik hoquq kéngishidin ayrilghan idi.
b d t kishilik hoquq kéngishi 2006-yili qurulghan bolup, b d t gha eza döletler kishilik hoquq kéngishining ezaliqigha, b d t omumiy kéngishi teripidin üch yilliq saylinidu.
b d t kishilik hoquq kéngishi kishilik hoquq gechmishi yaxshi bolmighan döletlerning eza bolup saylinishi sewebidin pat-pat b d t gha eza döletler we ijtimaiy teshkilatlarning tenqidige duchar bolmaqta.
kishilik hoquq kéngishige, kishilik hoquq weziyiti nachar dep eyibliniwatqan xitay, rusiye we kubagha oxshash döletlerning saylinishi, ijtimaiy teshkilatlarning naraziliqigha seweb bolghan idi.
مۇناسىۋەتلىك خەۋەرلەر
misir tashqi ishlar ministiri türkiyede ziyarette bolidu
misir tashqi ishlar ministiri samih shükri hepte axirida türkiyede dölet ishliri ziyaritide bolidu.
