голландийә дөләт сиртидин бала беқивелишни тохтатти

голландийәдә дөләт сиртидин бала беқивелишниң суйиистемал қилиниватқанлиқи вә һөкүмәтләрниң йиллардин буйан һечқандақ мудахилә қилмайватқанлиқи оттуриға чиқти.

1579893
голландийә дөләт сиртидин бала беқивелишни тохтатти

 

түркийә авази радийоси хәвири: голландийә вақитлиқ һөкүмитиниң әдлийә вә бихәтәрлик министирлиқи тәрипидин елан қилинған йазма байанатта, һөкүмәтләрниң йиллардин буйан дөләтләр ара бала беқивелишни суйиистемал қилишларға сәл қарап, мудахилә қилмастин бу җәһәттә йетәрсизликлирини ашкарилиғанлиқи оттуриға қойулди.

байанатта, шу вәҗидин вақитлиқ һөкүмәтниң қанунни қоғдаш министири сандер деккерниң чәтәлдин бала беқивелишни дәрһал тохтитип, зийанкәшликкә учриғучилардин кәчүрүм сориғанлиқи билдүрүлди.

1967-йилдин 1997-йилғичә голландийә һөкүмитиниң дөләт һалқиған бала беқивелиштики роли вә мәсулийити тоғрисида «Joustra» намлиқ комитет тәрипидин мәхсус доклат елан қилғанлиқи уқтурулди.

доклатта, голландийәниң өтмүштә бала беқивелиш мәсилисигә наһайити пассип муамилә қилғанлиқи, шуңа рәсмийәтләрни назарәт қилишниң йетәрлик болмиғанлиқи вә йүз бәргән суйиистемалларға мудахилә қилмиғанлиқи тәкитләнди.

комиитетниң тәкшүрүш елип барған дөләтләрдә қурулма җәһәттин бәзи суйиистемалларға дуч кәлгәнлики уқтурулған байанатта йәнә,  голландийә һөкүмитиниң қанунға хилап әһвалларни билидиғанлиқи, лекин үнүмлүк мудахилә қилмиғанлиқи әскәртилди.

доклатта, бу суйиистемалларниң балиларни оғрилаш, адәм әткәсчилики вә һөкүмәт әмәлдарлириниң әхлақсиз қилмишлиридин тәркип тапидиғанлиқи шундақла бу әһвалларниң 1960-йиллиридин тартип давамлишиватқанлиқини тәкитләнди.



مۇناسىۋەتلىك خەۋەرلەر