dunyaning eng xeterlik xakkérlar shaykisi bitchit qilindi
yawropa ittipaqi saqchi teshkilati — yawropol, amérika qoshma ishtatliri we nurghun yawropa döletlirining bixeterlik qisimliri bilen hemkarlishish arqiliq «émotét» namliq yershari xakkérlar shaykisini bitchit qildi.
türkiye awazi radiyosi xewiri: yawropa ittipaqi saqchi teshkilati — yawropol yazma bayanat élan qilip, dunyaning herqaysi jayliridiki karxanilargha nechche milyard dollar ziyan salghanliqi ilgiri sürülgen xakkérliq torini pütünley weyran qilinghanliqini uqturdi.
bayanatta, yawropol bilen yawropa edliye hemkarliqini tereqqiy qildurush orgini birlikte élip barghan mezkur zerbe bérish herikitini gollandiye, gérmaniye, firansiye , litwa we engliye saqchilirining yéqindin qollighanliqigha isharet qilindi.
bayanatta, yawropol we yawro rayoni mutexessislirining tor hujumida ishlitilidighan we bashqilarning kompyutérini yiraqtin tizginlesh imkaniyitige ige «émotét» namliq mashina adem armiyesini toluq kontrolluqi astigha alghanliqi tekitlendi.
amérika fédératsiye tekshürüsh idarisi— FBI mu maslashqan bu qétimqi heriket jeryanida mezkur shaykining kanada puqrasi bir ezasining nazaret astigha élinghanliqi qeyt qilindi.
nazaret astigha élinghan kishining amérikadiki mektep, sheherlik hökümet we doxturxana qatarliq organlarning kompyutér meshghulat sistémisini passiplashturup, özi békitken tölem tölinip bolghuche ishletküchilerning öz sistémisigha kirishini chekligenliki bildürüldi.
bayanatta, nazaret astigha élinghan shayka ezasi kanada puqrasining 500 ming dollarliq shifirliq pul bilen birlikte qolgha chüshkenlikige dair uchurlarghimu orun bérildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
