dunya sehiye teshkilati heyiti xitayda karantin qilinghan

wuxen wirusi (Kovid-19) ning yiltizini tekshürüsh üchün xitaygha barghan dunya sehiye teshkilati heyiti karantindin chiqip tekshürüshlirini bashlidi.

1572832
dunya sehiye teshkilati heyiti xitayda karantin qilinghan

türkiye awazi radiyosi xewiri: wuxen wirusining yiltizini tekshürüp- tetqiq qilish üchün xitaygha yétip barghan dunya sehiye teshkilatining heyiti 14 künlük karantindin kéyin, wuxende qalghan méhmanxanidin sirtqa chiqip aptobusqa chiqiwatqanda közlerge chéliqti.

dunya sehiye teshkilati heyitining wuxen wirusining yiltizini tekshürüsh üchün wuxende neq meydan tekshürüshlirini qilishi pilan qilinmaqta.

xitay tashqi ishlar ministirliqining bayanatchisi jaw lijyen muxbirlargha bergen bayanatida, karantindin chiqqandin kéyin, tetqiqatchilarning tekshürüshlerde xitay tetqiqatchiliri bilen ortaq xizmet qilidighanliqini, xitay tetqiqatchilirining hemkarliq jeryanida dunya sehiye teshkilati heyitige masliship qolayliq yaritip béridighanliqini bildürgen idi.

amérika, awstiraliye, gérmaniye, yaponiye, engliye, rusiye, gollandiye, qatar we wiyétnam qatarliq döletlerning mutexesisliridin teshkillengen 13 kishilik heyetning 14 künlük karantinda, xitay mesulliri bilen tor yighini ötküzidighanliqi élan qilinghan idi.

dunya wuxen wirusidin, 2019-yili 31-dékabir xubéy ölkisige qarashliq wuxen shehiride «menbesi éniq bolmighan sirliq nepes yoli késelliki» ning körülgenlikini dunya sehiye teshkilatigha bildürüshi bilen xewer tapqan idi.



مۇناسىۋەتلىك خەۋەرلەر