süriye asasiy qanun komitétining beshinchi nöwetlik yighini jenwede dawamlashmaqta
süriye asasiy qanun komitétining 5-nöwetlik yighini birleshken döletler teshkilati (b d t) ning jenwediki ishxanisida dawamlashmaqta.
türkiye awazi radiyosi xewiri: beshshar esed hakimiyiti, ijtimaiy küchler bashqurushidiki organlar we süriye öktichilirining her birining 15 tin ezasidin terkib tapqan asasiy qanunni tüzüshke mesul «kichik guruppa» ezalirining üch künlük yighinigha, b d t süriye alahide wekili géér o.pédérsén riyasetchilik qildi.
süriyelik öktichiler, süriye asasiy qanun komitéti 5 – nöwetlik yighinining asasliq küntertipi bolghan «asasiy qanunning asasiy pirinsipliri» toghrisidiki söhbetlirini dawamlashturmaqta.
komitétning beshinchi qétimliq yépiq yighini 29- yanwar jüme küni axirlishidu.
pédérsénning yighin axirlashqan küni axbarat élan qilish yighini ötküzüp, kéyinki basquchluq yighinning waqti we küntertipi toghrisida melumat bérishi kütülmekte.
pédérsén 1 - ayning 22-künidiki muxbirlarni kütüwélish yighinida, tereplerni asasiy qanunni yézishni bashlashqa chaqirghanidi.
