yawropa bilen türkiye uchrishishlarni dawamlashturush toghrisida pikir birliki hasil qildi

yawropa ittipaqining tashqi siyasetler we bixeterlik siyasiti aliy wekili josép borél (Josep Borrell) türkiye bilen yéqinqi heptilerde ötküzülüwatqan uchrishishlarni dawamlashturush toghrisida pikir birliki hasil qilghanliqlirini bildürdi.

1571029
yawropa bilen türkiye uchrishishlarni dawamlashturush toghrisida pikir birliki hasil qildi

türkiye awazi radiyosi xewiri: yawropa ittipaqining tashqi siyasetler we bixeterlik siyasiti aliy wekili josép borél yawropa ittipaqi tashqi ishlar ministirliri yighinidin kéyin ötküzülgen muxbirlarni kütüwélish yighinida, türkiye-yawropa ittipaqi munasiwetlirining küntertip maddiliridin biri bolghanliqini bildürdi.

u: «türkiye dairilirining yéqinda ötküzülgen yawropa ittipaqi kéngishi yighinidin buyan ewetken muhim signallarni we yolgha qoyghan siyasetlerni xatiriliduq» dédi.

u türkiye bilen diyalog we hemkarliqlarni mustehkemlesh üchün uchrishishlarning ehmiyitini tekitlep, türkiye bilen girétsiye otturisidiki uchrishishlar üstide toxtaldi.

u ikki dölet otturisidiki déngiz ixtilaplirini hel qilishning, b d t déngiz qanuni kélishimi asasida bolidighanliqini ilgiri sürdi.

u türkiye tashqi ishlar ministiri mewlüt chawushoghluning ötken heptidiki biryussél ziyaritide, yawropa ittipaqining qandaq signallarni alghanliqini we qandaq signallarni bergenlikini bayan qilip, mundaq dédi:

«2020-yilida munasiwetlirimizni qiyinchiliqqa ittirgen mesililerni közdin kechürduq. ikki terep bularni yingish, endishelirini ortaqlishish, birlikte xizmet qilish we téximu yaxshi qoshnidarchiliq munasiwetliri ornitish témilirida téximu yaxshi siyaset yürgüzüshte pikir birliki hasil qildi. ötken yili yaz we küzde munasiwetlirimizni zeherligen mesililerning, bügün toxtighanliqini éytishtin özemni xushalliq hés qilimen. türkiye paraxotliri we qédérish meshghulatliri hazir yoq. her ikki terep kélishim hasil qilish üchün, bu xizmetlerning süritini tézleshtürüsh we ijabiy paydilinish üchün pikir birliki hasil qildi. türkiye-girétsiyening deslepki uchrishishliri bashlandi. féwral éyining otturiliri yaki axirida qibris mesilisini hel qilish muzakirelirining bashlinishini ümid qilimiz. 2020-yilidiki barliq témilar nahayiti qiyin idi. yaxshi atmosféra shekillinishi üchün qibrisqa we déngiz hoquq sahesige oxshash témilarda süküt qilish lazim» dédi.



مۇناسىۋەتلىك خەۋەرلەر