xitay bilen hindistan otturisida yene bir qétim qoralliq toqunush yüz berdi
xitay we hindistan eskerlirining chégra rayonida yene bir qétim qoralliq toqunushqanliqi ilgiri sürülmekte.
türkiye awazi radiyosi xewiri: hindistan metbuatlirining xewerliride, üch kün ilgiri ikki dölet eskerlirining hindistanning népal we butan otturisigha jaylashqan shimaliy sikkim ölkisige qarashliq naku la éghizida qoralliq toqunushqanliqi we her ikki tereptin yarilanghanlarning barliqi bildürüldi.
xitay we hindistan eskerliri 2020-yili iyunda gherbiy shimaldiki ladaq rayonining galwan wadisida qoralliq toqunushqan we 20 neper hindistan eskiri qaza qilghan idi.
ikki dölet otturisidiki himalaya téghi bilen qorshalghan éniqsiz chégra liniyesi, xitay bilen hindistanning igilik hoquq de- talashlirini keltürüp chiqarmaqta.
éqin sular, köl, muzluq qiyalar we qarliq choqqilar bilen tolghan 3500 kilométir uzunluqtiki chégra rayoni tereplerni pat- pat toqunushqa sörep kirmekte.
xitay hökümiti «jenubiy tibet» dep atiwalghan hindistanning arunachal pradésh ölkisige tewe 90 ming kwadrat kilométir zémin üstide igilik hoquqi barliqini dewa qilip kelmekte.
hindistan hökümiti bolsa, aqsaychin égizlikini qaplighan 38 ming kwadrat kilométir zéminini xitayning ishghal qiliwalghanliqini ilgiri sürmekte.
her ikki terep uzun yil muzakirilerni dawamlashturupmu, igilik hoquq mesililirini hel qilalmay aware.
xitay we hindistan otturisidiki toqunush 2017-yili xitayning rayondiki chégra yolini, talash-tartishliq bir égizlikkiche uzartishqa urunushidin kéyin téximu keskinleshken idi.