yaponiye bilen amérika xitay déngizigha munasiwetlik bixeterlik ittipaqini kücheytish kélishimi tüzdi

türkiye awazi radiyosi xewiri: yaponiye bilen amérika jenubiy we sherqiy xitay déngizidiki rayon xaraktérlik tehditlerge qarshi öz ara bixeterlik ittipaqini kücheytish ehdinamisi tüzdi.

yaponiye dölet mudapie ministiri kishi nobuo amérika dölet mudapie ministiri loyd ostin bilen körüshkenlikini éytti.

kishi nobuo: «jenubiy we sherqiy xitay déngizida öz béshimchi istibdatliq urunushlirigha birlikte qarshi turushqa kélishtuq» dédi.

yaponiye dölet mudapie ministiri kishi nobuo sherqiy xitay déngizidiki talash-tartishliq sénkaku arillirining «yaponiyege qoralliq hujum qilinghan ehwalda amérikaning qoghdishini shert qilghan» ikki tereplik bixeterlik kélishimining 5-maddisi dairiside ikenlikini qaytidin tekitleshkenlikini éytti.

kishi nobuo yaponiyening amérika armiyesige sahibxanliq qilishini öz ichige alghan we mudditi martta axirlishidighan 5 yilliq chiqimni bölüshüsh kélishimining ornigha tokyo we washington dairiliri teripidin pat yéqinda yéngi bir kélishim imzalinidighanliqini élan qildi.

amérika dölet mudapie ministiri loyd ostinmu ijtimaiy alaqe tori tiwittérda élan qilghan bayanatida, «amérika-yaponiye ittipaqdashliqining qetiy we jesur xaraktérini hemde erkin we ochuq hindi-tinch okyanni qoghdash tirishchanliqlirini muzakirileshtuq» dédi.

yaponiye bash ministiri suga yoshixidé 12-noyabirda amérikaning yéngi pirézidénti jo baydén bilen téléfonda körüshüp, talash-tartishliq sénkaku arillirigha munasiwetlik yardem bérish wedisi alghan idi