rusiye amérikani «ichki ishlirimizgha arilashti» dep eyiblidi

rusiye amérikani «türmidiki rusiyelik öktichi alékséy nawalniyning qoyup bérilishi üchün ötküzülgen namayishlarni qollaydighan yazmilarni élan qilish arqiliq rusiyening ichki ishlirigha arilashti» dep eyiblidi.

1569839
rusiye amérikani «ichki ishlirimizgha arilashti» dep eyiblidi

türkiye awazi radiyosi xewiri: rusiye tashqi ishlar ministirliqining yazma bayanatida, amérikaning moskwada turushluq bash elchixanisining türmidiki rusiye öktichisi alékséy nawalniyning qoyup bérilishi üchün ötküzülgen namayishlarni qollash meqsitide ijtimaiy alaqe torida uchur taqatqanliqini bildürüldi.

bayanatta, amérikaning bu xil uchur hembehirlishish arqiliq diplomatik qaidilerge xilapliq qilghanliqi eskertilip, «amérikaning moskwadiki bash elchixanisi rusiyening ichki ishlirigha arilashmaqta» dégen ibariler ishlitildi.

bayanatta yene, «amérika hökümiti aldi bilen ijtimaiy adaletsizlik we barawersizlik keltürüp chiqarghan bölünishtin ibaret özining mesilisi bilen bolishi kérek. exlaq mizanigha sel qaraydighan amérika diplomatiyesining radikal unsurlarni küshkürtüsh tirishchanliqi meghlubiyetke mehkumdur we ikki dölet munasiwitige selibiy aqiwetlerni élip kélidu» déyildi.

amérikaning moskwada turushluq bash elchixanisi tünügün ijtimaiy alaqe torida rusiyede ötküzülidighan namayishlarning waqti we ornini hembehirligen idi.


خەتكۈچ: #amérika , #rusiye

مۇناسىۋەتلىك خەۋەرلەر