хитайда партлаш йүз бәргән алтун канидики қутқузуш хизмәтлири 14 – күнигә қәдәм қойди

хитайниң шәндуң өлкисидә 14 күн илгири йүз бәргән партлаш нәтиҗисидә 22 кан ишчиси канда қапсилип қалған болуп, 11 ишчи қутқузувелинди.

1569849
хитайда партлаш йүз бәргән алтун канидики қутқузуш хизмәтлири 14 – күнигә қәдәм қойди

түркийә авази радийоси хәвири:хитайниң шәндуң өлкисигә қарашлиқ йәнтәй шәһиридә 10 -йанварда қурулуш басқучидики алтун канида партлаш йүз бәргәндин буйанқи издәш вә қутқузуш хизмәтлири һелиһәмму давамлашмақта.

қутқузуш машиниси вә от өчүрүш машинилириму алтун кани алдида 14 күндин бери кутуп туриватқан болуп, 600 дин артуқ издәш-қутқузуш хадими вәзипә өтәватқан кандин аридин 14 күн өткәндә 11 ишчи қутқузувелинди.

қутқузувелинған ишчилар дохтурханиға йәткүзүлди.

қурулуш басқучидики канда қапсилип қалған ишчиларниң бирси 21 - йанварда қаза қилған иди.

хитай дөләтлик кан бихәтәрлик идариси 19-йанварда елан қилған байанатида, һадисиләрниң алдини елиш үчүн көмүр канлиридин сирт  дөләт миқйасидики 32 миң канни әтраплиқ тәкшүрүс қарар қилинғанлиқи билдүрүлди.

байанатта, тәкшүрүшләрниң март ейиғичә давамлишидиғанлиқи вә қаидиләргә риайә қилмиғанларниң еғир җазаға тартилидиғанлиқи уқтурулди.



مۇناسىۋەتلىك خەۋەرلەر