amérikada jumhuriyetchiler baydingha qarshi heriketke ötti

amérika awam palatasining jumhuriyetchi ezasi marjori grin (Marjorie Greene) yéngi pirézidént jo baydingha qarshi «hoquqidin élip tashlash maddisi» ni kongrege sunghanliqini élan qildi.

1568897
amérikada jumhuriyetchiler baydingha qarshi heriketke ötti

türkiye awazi radiyosi xewiri: amérika awam palatasining jumhuriyetchi ezasi marjori grin yéngi pirézidént jo baydingha qarshi «hoquqidin élip tashlash maddisi» ni kongrege sunghanliqini élan qildi.

u twittérda  hembehirligen widéoda, «baydinni «hoquqidin qalaymiqan paydilinish» bilen eyibligenlikini bildürüp, baydinning oghli xantér baydin (Hunter Biden) ning ukrainada qilghan ishlirini tilgha aldi.

démokratlar köp sanliqni igileydighan awam palatasida jumhuriyetchi ezaning iltimasining qobul qilinishi kütülmisimu, emma «simwolluq» menide baydingha qarshi xizmiti bashlinipla «hoquqidin élip tashlash maddisi» ning sunulushi, jemiyette zor diqqet qozghidi.

yene bir tereptin, awam palatasining bashliqi nensiy pélosi xanim sabiq pirézidént donald trampqa qarshi qobul qilinghan «hoquqidin élip tashlash maddisi» ning kéngesh palatasigha ewetilidighanliqini jakarlidi. emma, qachan ewetilidighanliqi toghrisida melumat bermidi.

amérika kéngesh palatasidiki jumhuriyetchilerning rehbiri mich mikkonnél (Mitch McConnell) sabiq pirézidént trampqa munasiwetlik kéngesh palatasidiki bélet tashlash ishlirini féwral (2021) éyining otturilirigha kéchiktürüshni teklip qildi.

u kéngesh palatasidiki jumhuriyetchi ezalar bilen qilghan téléfon söhbitide, trampni sotlashqa teyyarliq qilish üchün waqitqa éhtiyajliq ikenlikini tekitlidi.

awam palatasi amérikaning 45-nöwetlik pirézidénti trampni 6-yanwar yüz bergen kongre binasigha bésip kirish weqesige baghlap «isyan qilishqa qutratquluq qilish» bilen eyibligen «hoquqidin élip tashlash maddisi» ni qobul qilghan idi.

sabiq pirézidént tramp eyibleshlerni ret qilip, isyan qilishqa qutratquluq qilmighanliqini we özining zorawanliqqa qarshi ikenlikini bildürgen idi.



مۇناسىۋەتلىك خەۋەرلەر