amérika yadro qorallirini azaytish kélishimining waqtini uzartishni teklip qildi

amérika aqsaray pirézidént jo baydinning rusiyege mudditi féwralda toshidighan «yéngi istratégiyelik qorallarni azaytish kélishimi (New START) ni besh yil uzartishni teklip qilidighanliqi toghrisidiki gep-sözlerni toghrilidi.

1569224
amérika yadro qorallirini azaytish kélishimining waqtini uzartishni teklip qildi

türkiye awazi radiyosi xewiri: aqsaray bayanatchisi yén psaki (Jen Psaki) axbarat élan qilish yighinida, baydinning kélishimni uzartishni pilanlighanliqigha munasiwetlik soallargha jawab berdi.

u: «amérikaning kélishimni besh yil uzartishni meqset qilghanliqi rast» dédi.

u baydinning mezkur kélishimni amérikaning dölet xewpsizlik menpeetlirige uyghun dep qaraydighanliqini eskertip: «kélishim rusiyening yadro küchini chekleydighan birdinbir kélishm» dédi.

u rusiye siyasiti toghrisida: «rusiye bilen amérikaning menpeetliri nuqtisidin hemkarlashsaqmu, bu döletning perwasizlarche we düshmenlerche qiliwatqan heriketlirige mesul dep qaraymiz. pirézidént baydin istixbarat teshkilatlirigha ‹solar winds tor hujumi› we rusiyening 2020-yilidiki saylamgha arilashqanliqini tekshürüshke buyruq chüshürdi. rusiyening öktichi rehbiri alékséy nawalniygha ximiyelik süyiqest qilghanliqini we afghanistandiki amérika eskerlirining öltürülüshi üchün pul teklip qilghanliqi toghrisidiki gep-sözlernimu tekshürimiz» dédi.

sabiq pirézidént tramp  qarshi chiqqan we saylanghan ehwalda yéngilimaydighanliqini éytqan kélishimni uzartishning, hem natoni hemde rusiyeni memnun qilidighanliqi bildürüldi.

sabiq pirézidént obama 2010-yili 5-féwral rusiyening sabiq pirézidénti dimitriy médwédéw teripidin imzalanghan «NewSTART» kélishimining mudditi 5-féwral (2021) toshidu.

kélishim rusiye bilen amérikaning yadro qoral béshining sanini 1 ming 550 ke chüshürüshni shert qilidu.



مۇناسىۋەتلىك خەۋەرلەر