yawropa ittipaqi wirus toghrisida yighin chaqiridu
yawropa ittipaqi döletlirining rehberliri wuxen wirusi (Kovid-19) gha yolgha qoyulghan tedbirler, waksina bilen teminlesh we tarqitish, waksina emletkenlerge kénishke bérish qatarliq mesililerni muzakire qilish üchün sin yighinida körüshidu.
türkiye awazi radiyosi xewiri: yawropa ittipaqi döletliri wuxen wirusigha munasiwetlik mesililerni muzakire qilish üchün sin yighini chaqiridu. yawropa ittipaqi rehberlirining ete (2021-yili 21-yanwar) kechte ötküzülidighan yighinida, yawropa ittipaqi döletliri yolgha qoyghan tedbirlerning kordinatsiyesi, wuxen wirusining bayqalghan yéngi türlirige qarshi yolgha qoyulidighan tedbirler, sinaq we közitish istratégiyeliri muzakire qilinidu.
yawropa ittipaqida hazirghiche testiqlanghan biyonték (BioNTech) bilen fayzér (Pfizer) we modérna (Moderna) teripidin tetqiq qilinghan waksinalar, 2020-yili dékabirdin bashlap xelqqe emlenmekte.
astrazénéka (AstraZeneca) bilen oksford (Oxford) uniwérstéti tetqiq qilip yasap chiqqan waksinaning, mushu ay (2021-yili yanwar) ning axirida testiqlinishi kütülmekte.
yawropa ittipaqi komitéti bügüngiche waksina tetqiq qilip yasighan shirketler bilen eza döletler namida tüzgen alte kélishim netijiside, texminen 2.3 milyard shishe waksina sitiwalalaydighan halgha keldi.
yawropa ittipaqi biyonték-fayzér waksinasidin 600 milyon shishe, astrazénéka waksinasidin 400 milyon, sanofi- j s k (Sanofi-GSK) din 300 milyon, jonson we jonson (Johnson and Johnson) shirkitidin 400 milyon, kiyurwak (CureVac) tin 405 milyon, modérnadin 160 milyon shishe waksina sitiwélish kélishimi imzalidi.
