iran tramp qatarliq amérika emeldarlirini jaza tizimlikige kirgüzdi

iran donald tramp we tashqi ishlar ministiri mayk pompéyo qatarliq yuqiri derijilik toqquz neper amérikaliq emeldarning iranning jaza tizimlikige kirgüzülgenlikini élan qildi.

1567627
iran tramp qatarliq amérika emeldarlirini jaza tizimlikige kirgüzdi

türkiye awazi radiyosi xewiri: iran tashqi ishlar ministirliqi bayanatchisi seid xatibzade, bügün wezipisini ötküzüp béridighan amérika prézidénti donald tramp we tashqi ishlar ministiri mayk pompéyo qatarliq yuqiri derijilik toqquz neper amérikaliq emeldarning iranning jaza tizimlikige kirgüzülgenlikini élan qildi.

iran tashqi ishlar ministirlikining bayanatigha qarighanda, amérika prézidénti donald tramp, amérika tashqi ishlar ministiri mayk pompéyo, sabiq dölet mudapie ministiri mark éspér, muweqqet dölet mudapie ministiri kristofir millér, maliye ministiri stéwén mnuchin, merkizi axbarat idarisi bashliqi gina xaspél, sabiq dölet bixeterlik meslihetchisi, amérikaning iran mesililiri boyiche sabiq alahide wekili jon bolton, amérikaning wénézuéla we iran alahide wekili élliot abrams qatarliqlarning bügündin bashlap iranning jaza tizimlikige qoshulghan.

xatibzade, amérikaning yuqiri derijilik emeldarliringha «iran we puqralirigha qarita térrorluq heriketliri we kishilik hoquqqa qarshi tashlighan qedemliri» sewebidin jaza yürgüzüshning qarar qilinghanliqini bildürdi.

yuqirida bayan qilinghan kishilerning qasim suleymanini qestlep öltürüsh buyruqini chüshürgenlikini we irangha qarshi térrorluq heriketlirini teshkilligenlikini ilgiri sürgen xatibzade, bu kishilerning «jinayetliri» toghrisidiki tepsiliy bayanatning pat yéqinda élan qilinidighanliqini sözlirige ilawe qildi.


خەتكۈچ: #jaza , #amérika , #tramp , #iran

مۇناسىۋەتلىك خەۋەرلەر