tramp widalishish nutuqi sözlidi

amérika qoshma ishtatliri pirézidénti donald tramp widalishish nutuqida yéngi pirézidént jo baydin hökümitige utuq tilidi.

1567376
tramp widalishish nutuqi sözlidi

türkiye awazi radiyosi xewiri: donald tramp jo baydinning qesem bérip wezipe ötküzüwélish murasimigha bir qanche saet qalghanda widalishish nutuqi sözlidi.

buningdin ilgiri izchil halda saylam netijilirige hiyle arilashturulghanliqini ilgiri sürüp kelgen tramp widalishish nutuqida: «bu hepte yéngi bir rehberlik apparati qesem bérip wezipe öteshni bashlaydu we biz amérikaning bixeterliki we bayashatliqining muhapizet qilinishida muweppeqiyet qazinishi üchün dua qilimiz» dégen ibarilerge orun berdi.

tramp 6 – yanwardiki amérika dölet mejlisige basturup kirish weqesi toghrisida toxtilip: «dölet mejlisimizge qilinghan hujum sewebidin pütkül amérikaliqlar sarasimige chüshti. siyasiy zorawanliq, amérika xelqi bolush süpitimiz bilen biz ehmiyet béridighan barliq nersilerge qilinghan hujum hésablinidu. bu qetiy qobul qilinmaydu. emdi buningdin burun körülüp baqmighan derijide siyasiy küchimizni ortaq qimmet qarashlirimizning etrapigha toplishimiz we ortaq nishanlirimizni shekillendürüshimiz kérek» dédi.

tramp kowid – 19 yuqumi mezgilide amérikaning ishlarni yaxshi idare qilghanliqini bildürdi we waksina emlesh xizmetlirige «tébbiy möjize» dep baha berdi.

töt yilliq wezipe ötesh mudditi jeryanida «amérika qoshma ishtatlirining menpeetlirige paydiliq bolmighan bir tereplime halettiki xelqaraliq kélishimler»din chékinip chiqqanliqini eskertken tramp: «nöwette shimaliy atlantik okyan ehdi teshkilati – nato döletliri bir qanche yil ilgirikige qarighanda yüz milyardlarche dollar köp pul bériwatidu. otturida bir tengsizlik bar idi. pütkül dunyaning chiqimini biz kötürüp kéliwatattuq» dédi.

daésh térrorluq teshkilatini yenggenliklirini we qasim suleymanini öltürgenliklirini xatirilitip ötken tramp: «jesur diplomatiyemiz we pirinsipal emeliyetchanliqimiz netijiside ottura sherqte bir qanche tarixiy tinchliq kélishimining imzalinishigha muweppeq bolduq. bu yéngi ottura sherqning shepeqi hésablinidu» dégenlerni qeyt qildi.

u ottura sherqtiki amérika eskerliriningmu qayturup kélingenlikini tekitlep: «bolupmu nechche on yildin buyan yéngi bir urushqa kirmigen tunji amérika pirézidénti bolushtin iptixarlinimen» dédi.

yene bir tereptin tramp pirézidéntliqining axirqi künide aqsarayning sabiq bash meslihetchisi stéw bannonni öz ichige alghan 73 kishi toghrisida kechürümname élan qildi.

aqsaraydiki axirqi küni trampning xususiy hayatidimu muhim özgirishke sehne boldi؛ trampning qizi tiffany tramp instagram adrésida uchur hembehrilep maykél bolos bilen öylinishi üchün chay ichürülgenlikini uqturdi.


خەتكۈچ: #widalishish , #amérika , #tramp

مۇناسىۋەتلىك خەۋەرلەر