shiwéytsariye xitayni we dunya sehiye teshkilatini tenqid qildi

shiwéytsariye musteqil yuqumluq késelliklerge teyyarliq qilish we taqabil turush komitéti xitay we dunya sehiye teshkilatining wuxen wirusi (kowid-19) yuqumini kontrol qilishqa yéterlik tirishchanliq körsetmigenlikini élan qildi.

1567180
shiwéytsariye xitayni we dunya sehiye teshkilatini tenqid qildi

türkiye awazi radiyosi xewiri: shiwéytsariye musteqil tekshürüsh kéngishi tünügün élan qilghan ikkinchi doklatida, wuxen wirusi tunji qétim xitayning wuxen shehiride otturigha chiqqanda, téximu téz we téximu ünümlük ammiwi saghlamliq tedbirlirini toluq yolgha qoyush imkaniyitining barliqini bildürdi.

doklatta, xitay bilen dunya sehiye teshkilatining yuqumgha qarita kéchikip heriket qilghanliqi tekitlinip, «dunya sehiye teshkilatining néme üchün yanwarning üchinchi heptisigiche yighin chaqirmighanliqi we yighin chaqirghanda bolsa,  xelq saghlamliqi üchün jiddiy halet élan qilishta néme üchün kélishim hasil qilalmighanliqi éniq emes» déyildi.

doklatta, dunya sehiye teshkilatining 2020-yili 11 - martqiche yuqumni élan qilmighanliqi eskertilip,  wehalenki shu chaghqiche dunya miqyasida 118 ming kishining yuqumlanghanliqi we 4 mingdin artuq kishining qaza qilghanliqining xatirilengenlikini tekitlidi.

doklatta yene, wuxende tunji yuqumning tarqilishi 2019 - yili 12-dékabirdin 29 - dékabirghiche toluq bayqalghan turuqluq, xitayning dunya sehiye teshkilatigha 2020-yili 31- dékabirghiche doklat qilmighanliqi uqturuldi.

xitay wuxen shehirini 2020-yili 23- yanwarda karantinagha alghanda, wirus alliqachan yaponiye, koréye, tayland we amérikagha tarqilip bolghan idi.

dunya sehiye teshkilati jiddiy halet komitéti 2020-yili 22- yanwarghiche yighin chaqiralmidi. axiri 2020-yili 30-yanwarda wuxen wirusi sewebidin xelqara jiddiy halet élan qilghan idi.



مۇناسىۋەتلىك خەۋەرلەر