кәлгүси икки йилдики әң чоң хәтәрләр рәткә тизилди

вухән вируси(Kovid-19) ға мунасивәтлик өлүмләр вә вабаниң иқтисадий тәсирлири, кәлгүсидики икки йилда дунйаға әң көп тәсир қилидиған хәтәрләр һесаблиниду.

1567123
кәлгүси икки йилдики әң чоң хәтәрләр рәткә тизилди

түркийә авази радийоси хәвири: дунйа иқтисад мунбири(WEF)  қисқа вә узун муддәтлик хәтәрләрни ениқлаш мәқситидә, «марш - м к ленан вә зурих истрахуанийә гуруһи» (Marsh & McLennan) ниң қоллиши билән тәййарлиған «2021-йиллиқ дунйави хәтәрләр доклати» ни елан қилди.

доклатта, 841 хәлқаралиқ мутәхәсис вә қарар чиқарғучилардин 2021-йилиға мунасивәтлик әндишәлирини, еһтималлиқ вә тәсир қилиш нуқтилиридин рәткә тизиш тәләп қилинди.

мутәхәсисләр қисқа муддәтлик икки йиллиқ әң чоң хәтәрләрниң, вухән вирусиға охшаш «йуқумлуқ кесәлликләр», вабаниң иқтисадий тәсирлири вә «турмуш қийинчилиқи» болидиғанлиқини билдүрди.

доклатта билдүрүлишичә, вухән вирусиниң инсаний вә иқтисадий бәдили еғир болидикән. вухән вируси кәмбәғәлликни вә баравәрсизликни азайтишта, йиллардин бери қолға кәлтүргән нәтиҗиләрни кәйнигә қайтуруш билән тәһдит селипла қалмастин, иҗтимаий уйушуш вә йәр шари һәмкарлиқини техиму қийинлаштуридикән.

«йуқумлуқ кесәлликләр», «турмуш қийинчилиқи» билән «күтүлмигән муһит вәқәлири», «интернет бихәтәрлики тәдбирлириниң йетәрсиз болуши», «диҗитал дунйада баравәрсизлик», «иқтисадта узун муддәтлик турғунлуқ», «террорлуқ һуҗумлири», «йашлардики үмидсизлик», «иҗтимаий уйушушниң йоқилиши» вә «инсанлар сәвәб болған муһит бузғунчилиқи» қатарлиқлар кәлгүсидики икки йилда йүз бериши мумкин болған әң чоң 10 хәтәр ичидин орун алған.   



مۇناسىۋەتلىك خەۋەرلەر