җо байдин қәсәм берип вәзиписини рәсмий тапшурувалди

америкада 3-нойабир (2020) өткүзүлгән сайламдин кейин, йеңи һөкүмәт вәзипә тапшурувалди.

1567803
җо байдин қәсәм берип вәзиписини рәсмий тапшурувалди

түркийә авази радийоси хәвири: 3-нойабир сайлимида ғәлибә қилған җо байдин билән америка тарихидики тунҗи айал муавин пирезидент камела харис (Kamala Harris) қәсәм берип вәзипилирини тапшурувалди.

җо байдин билән камела харис қәсәм берип вәзипә тапшурувелиш мурасимидин бурун, пайтәхт вашингтондики хавари азиз мәтийу катедрали (Havari Aziz Matthew Katedral) ни зийарәт қилди вә у йәрдин, конгрә бинасиға барди.

үрүмчи вақти 23:00 тә, байдин американиң 46-нөвәтлик пирезиденти, камела харис болса 49-нөвәтлик муавин пирезиденти болуш сүпитидә қәсәм қилди.

йеңи пирезидент байдин қәсәм қилғандин кейин, сөзини мундақ башлиди:

«бүгүн- демократийәниң, тарихниң вә үмидниң күнидур. америка дуч кәлгән қийинчилиқларни пәқәт иттипақлишиш арқилқла йеңәләйду. мән пүткүл америкалиқларниң пирезиденти. биз иттипақдашлиқ мунасивәтлиримизни ‹ремонт› қилимиз, дунйа билән йәнә бир қетим техиму йеқин мунасивәт орнитимиз.»

арқидин пирезидент җо байдин вә униң рәпиқиси, муавин пирезидент камела харис вә униң йолдиши һәрбий паратни саламлиди. бу һәрбий әнәнә болуп, һакимийәтниң йеңи баш қоманданға тинчлиқ шәкилдә өткүзүп берилгәнликигә символ қилиниду.  



مۇناسىۋەتلىك خەۋەرلەر