donald tramp yéngi bir siyasiy partiye qurush teyyarliqi qilmaqta

amérika pirézidénti donald trampning yéqinliri bilen yéngi bir siyasiy partiye qurush toghrisida söhbetleshkenliki ilgiri sürüldi.

1567585
donald tramp yéngi bir siyasiy partiye qurush teyyarliqi qilmaqta

türkiye awazi radiyosi xewiri: «Wall Street Journal» gézitining bu mesilige yéqin kishilerni menbe qilghan xewiride, bügün aqsaray bilen xoshlishidighan donald trampning yéngi bir siyasiy partiye qurushqa teyyarliq qiliwatqanliqi bildürüldi.

donald trampning mushu bir qanche kün ichide yéqin etrapidikiler bilen bu yéngi partiye heqqide söhbetleshkenlikini tilgha alghan menbelerning, partiye namining «Patriot (wetenperwerler) partiyesi» bolidighanliqini éytti.

amérikada donald trampni qollaydighan bir qisim namayishchilar amérika kongresige bésip kirgendin kéyin, tramp jumhuriyetchiler partiyesidiki bezi kishiler bilen pikri jehette ziddiyetke chüshken idi.

tramp 2020-yili 3 – noyabirda ötküzülgen saylamda utturup qoyghan bolsimu, biraq saylamda «aldamchiliq» barliqini ilgiri sürüp, salam netijisige étiraz bildürgen idi.

donald tramp bu heqte nurghunlighan ishtatlarda achqan qanuniy délolarda netijige érishelmigen idi.

saylamning ghalibi jo baydin bügün shu yerning waqti saet 12:00 de, (enqere waqti 20:00 de) qesem bérip, amérika prézidéntliq wezipisini tapshurup alidu.



مۇناسىۋەتلىك خەۋەرلەر